Y Gwasanaeth

LLETY

Mi drefnwn wyliau yn arbennig ar eich cyfer chi.  Bydd y pris (ar ôl i chi lenwi'r ffurflen ymholi) ar sail dau berson yn rhannu stafell ddwbwl neu ddeu-wely.  Mae'r prisiau yn cychwyn o tua £60 y pen y noson. Bydd raid talu rhywfaint yn ychwanegol pe dymunir cael stafell sengl. Bydd hyn yn dibynnu ar y llety.

Yn gynnwysiedig yn y pecyn gwyliau cewch eich llety, boed mewn Gwely a Brecwast, tai preifat, ffermdai, ac weithiau mewn gwestai a thafarndai.  Ceisiwn drefnu gwestai gyda stafelloedd ymolchi preifat lle bo modd.  Ond, pe dymunech rywbeth gwahanol, neu westy mwy moethus, rydym yn hapus i drefnu ac addasu'r pris i chi.

PRYDAU

Mae'r pris yn cynnwys gwely a brecwast Cymreig neu "Continental".   Byddwch chi'n gyfrifol am brynu eich pecynnau bwyd a phrydau nos, ynghyd ag  unrhyw ychwanegolion.  Mae'n bosib cael prydau gyda'r nos yn rhai o'r llefydd aros, ond ran amlaf mae na ddigon o ddewis o westai, tai bwyta, tafarndai yn y pentrefi a'r trefi.

TROSGLWYDDO BAGIAU

Trefnwn hyn rhwng y teithiau.  Mi fyddwch yn aros o leiaf 2 noson yn yr un lle ar ein teithiau. Os ydi diwedd y daith rhy bell oddi wrth y gwesty, byddwch  yn cael eich cludo nôl i 'r gwesty ar ddiwedd y dydd.  Pob tro y byddwch yn cyrraedd gwesty gwahanol, bydd eich bagiau yn aros amdanoch, sydd yn eich gadael chi i gario dim ond y pethau angenrheidiol ar gyfer eich taith ddyddiol.

PECYN GWYBODAETH

Cyflenwi mapiau OS gyda'r llwybrau wedi eu marcio'n glir arnynt.

Gwybodaeth am y daith ddyddiol ynghyd â manylion hanesyddol a lleol.

Mapiau o'r trefi neu gyfarwyddiadau i'r gwestai.

Awgrymiadau ar lefydd i yfed, cinio a phrydau gyda'r nos.

Enwau banciau, swyddfeydd post.

Gwybodaeth a rhifau argyfwng.

DOES DIM ANGEN CAR

Ar ôl cyrraedd Ynys Môn, does dim angen car arnoch, gan ein bod ni yn gwneud y cludo i gyd.  Caiff eich car ei gadw mewn lle saff tan ddiwedd eich gwylilau.

DDIM YN Y PRIS

Pecynnau bwyd amser cinio (gallwn ni drefnu hyn ymlaen llaw)

Fel arall, mae na ddigon o siopau pentref neu fodurdai yn gwerthu bechdannau.  Nid yw prydau gyda'r nos, tâl mynediad i gestyll, amgueddfeyd, tripiau cwch, Sw Fôr, ffermydd ac ati yn cael eu cynnwys yn y pris cychwynnol.  Ni fydd unrhyw gludiant o feysydd awyr yn y pris chwaith.

BETH I DDOD GYDA CHI

Esgidiau cerdded, sannau.  Bag dydd i gario pecynnau bwyd a diod.  Siaced a throwsus gwrth-ddwr.  Cap neu het gynnes.  Cap haul/hufen haul.  Bocs cymorth cyntaf.  Ffon gerdded yn gallu bod yn werthfawr ar rai o'r teithiau yn ogystal â chamera a beinociwlars.

ARWAHANRWYDD Y GWYLIAU

Teithiau hunan-dywysiedig, cael cerdded wrth eich pwysau eich hun.

Arbenigrwydd- gwyliau wedi ei greu i'ch siwtio chi..

Dim gyrru.

Popeth wedi ei drefnu ymlaen llaw.

Rhannau o'r arfordir yn amhosibl ei gyrraedd ond ar droed neu mewn cwch.

SUT I DDOD I FÔN

Car - o'r M6, ymunwch â ffordd ddeuol yr A55, sy'n dod a chi dros Bont Britannia i Fôn.

Bws - i Fangor, Gwynedd.

Trên - i Fangor, Gwynedd neu i Lanfairpwll, Ynys Môn.

Cwch - o Ddulyn i Gaergybi.

Awyren - o Fanceinion neu Lerpwl.  Cludiant yn bosibl ond am bris ychwanegol.

Awyren o Gaerdydd i'r Fali, Ynys Mon.  www.highlandairways.co.uk